tleven gelik ofdattis of soms wok niedis

Man, man, man, ij vorihe weeke de paus gezien ? Ie wos biekan mè zun oar, moar oj zun tootje ep teevee zag zundag, toen vroagenk mie of ottie ol nie dwoad is ? Joengens toh ! Wa brabbelde da soepkiekn nu weere. brbrbrbbrbrbrbr hmhmhmhmhmhm spudpdspdsipds. 'k Oster niet van verstoan en moej noh den bestn weetn. Ie was toen noh ant playbekken wok !!! Nie te geloavn é ?! Volgns mie ènzer geweun duracels ingestoaken en goan die piepoos doar int 't Vatikoan, em noh joaren misbruken vuur show te geevn ip 't SintPietersplin. Dazze die keerl toh eindluk ne kji oender de grond steekn é. Doad is doad. Ze moen die gast nie bluvn gebruukn vuur ollerlei onwoazelihgeden. Moja, wiedre én doa niet an te zegn é.

Kmoe zeggn Guho Broos zahter vantweekend wok u bitjen uut gelik de paus. En je koste woak nie zegn, en je liep wok un bitje skjif. Moa gin duracels vun den Guho wè. Buutn èze dienen sukkeloare gesmeetn, buutn ep stroate. Ie moest moa mjir van zen kloaten gemakt en tegn oll die dikke nekn in zinne ploeg.

't Is zun neign skuld ! Allé, toattater noh ne kji veel aktie te zien is ep teevee. Ciawwwww.

't Wos mie were tweekse wel é. Ginn kloaten ep teevee, wuk da wok betre is want doarin zink nie gintressert en in de politiek wok nie fele zoaks. Tjinugste da mie epgevoln is, is dazze boelzoekerke Coveliers eindlijk ut de VLD goan zetn. 't Goat em un kontje voarn peizek. Ie zuu wiln burgemeestre van Antwerpn weern. De dikke nekke ! Is Ruddervoarde nie wel genoeg miskien ?!!!

Nu, in olle gevol, otter nochakji verkiezingn zin moetn we nie te rap kloagn wè. Kiek moar ne kji noar Irak. 't Is un succes zegnze doar ! Amai, succes ? tsestig procent is goan stemn doar in dat oapeland. Negnendertig mesn eeze ipgebloazen of doadgeskootn en da noemn ze toen unn succes ?! 'k Zu moetn in da land weun, bluvn gjille doagn in mun kot en kdoen nie anders dan berihtjes postn ep onnwozzele blohs !

Of gjille doagn skietn en poefn ep miennen playstation of Nintendo. Veele veiliger dan noar zukken stemkot te goan en joen stemme ut te bringn.

Ge zie wel, kzin kort van stoffe nji. Moja, otter nie fele gebeurt … kunne kik doar wok niet andoen é !

Ier zink weere ! 't Wos a tietje geleedn é. Moja, wo wildje, koan nie feel tiet. Wat distre ollemolle gebeurt de latste doagen. Wel de politiekers zitn vele te zjevern oovr dingn woa dazze loatre nog mjir oovr goan zjevern.

Ep sportgebiet ist wok ol nie beetre. Er wir nu hjelle doagen geklapt oovr dienen njisten kiepre bie Anderlegt. Ie zu depressief zin van noast de bolle te pakken. Zwo depressief dattie bewirde an timm dattie niemji koste voetbolln. Wie geloofter da nu ?! Ie wilde geweun un pintje goan pakn mè zin moatn nateurlijk ! 't Skint dattie vufonderd euro at ingezet ip un gelikspel tussn Mons en de poarse. Mè zien winste istie toen pintn goan pakn. Zo simple is dadde.

'k Zoagn wokk ip teevee da Gina Liza mee eur tettn bloat ept skerm goa komn. Aljin un lekse verve ep er skwone vworheevle en eur springertje gelakt verzekers. Wie wilter da nie zien ?! Dus ollemolle, STOP MèI SMWORN !!!! Osjeblieft, stoptermee en Liza eur lif komt bloat ip teevee !